Blog de María

Achégase a noite do 31 de outubro. Todos os galegos apreciamos esta data desde moito antes de que,  a celebración do Halloween se exportase, na súa versión estadounidense, coma se fose orixinaria daquel territorio. E é que aquí o Samaín forma parte da tradición máis enraizada e enxebre da nosa terra.  O Samaín foi a orixe de todo. En gaélico, Samhain significa «fin do verán», pois os antigos celtas celebrábano nese momento de transición do estío ao inverno. Esta celebración milenaria ten lugar cada ano, durante a noite que vai do 31 de outubro ao 1 de novembro, nunha desas datas nas que se conta que é máis fácil transitar…

Desde 1997 a Asociación Española de Amigos do Libro Infantil e Xuvenil promove esta celebración en recordo do incendio da Biblioteca de SaraJevo durante o conflito dos Balcáns en 1992. Tras este brutal ataque, o médico e historiador croata Mirko D. Grmek acuñou o termo memoricidio para definir a destrución da memoria e o tesouro cultural do “outro”, do adversario, do inimigo. Bibliotecas públicas, privadas, universitarias, especializadas, escolares, nacionais, móbiles… Todas elas albergan grandes tesouros, e destruílas ou non protexelas, que vén ser o mesmo, é un memoricidio a pequena ou gran escala. E unha das mellores maneiras de protexelas é dalas a coñecer, abrir as súas portas, mostrar os…

A semana pasada comezamos cos actos relacionados co sía do Domund que se celebra o 20 de outubro: O martes 15 de outubro visitounos Robertus Kardi, misioneiro indonesio para explicarnos un pouco a realidade que se vive en outros países pouco desenvolvidos. Durante esta semana os días 21,22, e 23 participaremos na tómbola misioneira que organizan os compañeiros de 6º de primaria Dende aquí quero dar as grazas a todas esas persoas anónimas polo seu servizo; e recordar que nós, na nosa vida, na familia, no traballo… tamén podemos ser misioneiros axudando a aquelas persoas que o necesiten. Un recordo especial a misioneira Ana López Castaño.